ليسوا اخواتنا وليسوا خير جنود الأرض الجيش مع البلطجيه

الجيش والبلطجيه فعلا كانوا ايد واحده وكنا بنضرب فى كل مكان ربنا ينتقم منهم

ليسوا اخواتنا وليسوا خير جنود الأرض

بدايه الحديث هذا ليس انتقاص من القله من الشرفاء فى الجيش المصرى ولكن من اجل اظهرا الحقيقه التى تخفى على كثير من المصريين وكشف حقيق الثورا الشرفاء ومعركتهم مع بلطجيه المجلس العسكرى (مبارك سابقا)
بسم الله الرحمن الرحيم
بدايه فى حوالى الساعه الواحده والنصف كنا فى الميدان جميعنا نهتف ضد حكم العسكر الذى هو هدفنا الاساسى والمشترك بين كل القوى المتواجده بالميدان
وفى خلال ساعتين تطورت الأوضاع حيث طافت الطائرات فوقنا كما كان يفعل مبارك بالظبط ايام الثورة وهذا لمرتين متتاليتين وبعدها اختطف شاب يهتف بسقوط مجلس العسكر وقامت الشرطه العسكريه بالهجوم فور مرور الطائرتين وبدأ الضرب بكل الأسلحه انا شخصيا اضرب عليا خرطوش والضرب كان موووووت

وبدأنا فى الكر والفر يضربونا ويجرونا وبعد كدا بنرجع تانى نسيطر عالوضع كانوا بيجروا فى شارعين موازيين واللى كان بيتمسك بيطلعوا روحه قبل ما يسلموه

 والضرب فضل شغال كر وفر وضرب خرطوشوضرب طوووب كتيييييييييييير اوووى واحنا كنا بنضربهم والله العظيم بالطوب فقط وحتى دخل مجموعه من الشرطه الى شارع جانبى ولكنا عندما كبرنا الله اكبر خافوا وانسحبوا وهربوا وتراجعوا الى الوزارة ولكن بقى 5منهم فحاولوا ان ننقض عليهم لن نقتلهم ولكنهم قاموا بألقاء الحجارة وقام عسكرى منهم بضرب الخرطوش علينا بغباء جدا
فى كل مكان وقدروا يهربوا
المهم فضلنا ثابتين حوالى ساعه فى ماكن الاعتصام علشان الخيام والمستشفى والناس اللى فى العياده الميدانيه والناس كنات اغلبهم مجروح بخرطوش او حى او غيره
وفجأه جاءت هجمه قويه وشرسه من الشرطه العسكريه وضرب رصاص حى وغاز اعصاب شديد الرائحه والتأثير حتى اننى لم استطيع الجرى كثيرا ووقعت جوزتى نتيجه لحجر اصدم بها ولم اجدها وكنت اوشك عالوقع على الأرض لأنى انهارت فعلا ولكنى فجأه وجدت سياره اسعاف تهرب من المكان وبابها مفتوح فقفزت فيها ولم اكن استطيع التنفيس وقد تأكدت ان تلك نهايتى حتى ان المسعف بيقول مفيش مكان قلتله بصوت مش طالع من فمى انا بمووووووووت سابنى وفضلت فى السيارة ولكن للذكرى كان هناك زياده عن سبعه اوثمانيه اشخاص فى الاسعاف منهم واحد مضروب نار عالسرير وواحد صاحبه حاطه على رجله مصاب بخرطوش والباقى واقفين على بعض غاز وحجارة وخرطوش
ونزلت من الاسعاف عند الكوبرى بعد الغزا بدأمفعوله يخف شويه مش قادر طبعا اشيل رجلى من عالارض اصحابى كلمونى قلتلهم انا قدام مسجد النور واتوا اصحابى وبعدها بقليل وجدنا المدرعات تأتى من مكان الأعتصام والشرطه العسكريه بالقنابل الاعصاب فلم استطع الجلوس ومسك صديقى يدى وفضلى بيجرنى وراه وانا تعبان مش قادر ولكن ان توقفت هموت هموت
وانا بجرى تعبت صاحبى جرى اوووى علشان الضرب كان جامد وانا تهت منه المهم وانا بجرى ناس بتقع قدامى وورايا وجنبى من الغاز والهبوط وكدا

خرجنا بالسلامه من المعركه لوقت قصير خرجونا من امام مسجد النور فى طريقنا الى غمرة واحنا ماشيين بعض الأهالى عاملين كردونات من حديد وبيقولولنا خليكوا بعيد عننا حتى لو فى بنات او نساء عايزين يدخلوا المنطقه علشان تعبانين كانول بيمنعوهم وبجد انا مقدرتش اصور الدم على كان على معظم جلابيب الناس ومعظم تيشرتات الشبا حتى انا اتفجأت بعد ماسلمت على شخص فى المسيره ان ايدى فيها دم
قبل كوبرى غمرة  بدأالاهالى يضربوا خرطوش وزجاجت فارغه وطوب من كل مكان جرينا بسرعه طلعنا الكوبرى وفى ناس كملت لرمسيس الجيش جه ورانا علطول وقد يضرب نار فى الهواء واهل العباسيه بيصقفوله حتى ان فى مدنين من عالارض معاهم سلاح ركبوا مع المدرعه كما هو فى الصورة

وفضلت واقف اكتر من نص ساعه فوق الكوبرى لحد مالجيش طلع الكوبرى بعساكره وبلطجيته وقعدوا يضربوا فى اى حد شكله كان فى المظاهرة نزلنا جرى عالمترو وطبع المترو اتأخر شوى والحمد لله ركبت المترو والبلطجيه وصلوا علطول وسمعت البلطجى بيقول للجيش (((خليك انت ياباشا هجيبلك حقكك))
من مين؟؟
الستات والاطفال فى المترو بيبكوا بشده وفى بنات بتعيط صغييرين والمنظر مؤسف والبلطجيه هنا وانا شايفهم من المترو وهو ماشى كانهم شبه الكلاب الصعرانه اللى عايزه تأكل اى حد والناس اللى ملحقتش المترو دووول كتير بس اكيد انتهوا من الضرب الضرب كان فظييييييييييييييييييييع
دم فى كل مكان سلاح فى كل ايد اهل العباسيه بلطجيه لأن مش معفول ان كل بيت فى بلطجى
المترو وصل الدمرداش لاقينا ضرب وسحل برده فى المحط للمتظاهرين وفجأه لاقيت دكتور من المستشفى الميدانى بيجر مريش مصاب بخرطوش عالارض والبلطجيه والجيش ضربينه ضرب مووت قعدنا نفوق فيه والحريم بتصرخ والاطفال بتبكى والدنيا مأساه مجزرة بكل المقاييس لن تحس ما قد عانيناه فى ذللك اليوم
المحطه اللى بعد كد ايضا ضرب وسحل نزلت فى المحطه لرابعه وذهبت فى المترو مره اخرى لرمسيس فى طريق للعودة وانا راجع اشاهد ضرب بالاسلحه البيضاء والشوم فى المتظاهرين فى الدمرداش وغمرة بطريقه مصاصى الدماء
وصلت رمسيس بحمد الله وطبعا الناس فى المترو شغالين شتيمه خربتوا البلد ولعتوا الدنيا وهكذا
حضرنا مسيره من 300فرد بحد اقصى وذهبنا للعباسيه مره اخرى وجدنا البلطجيه جاهزين برده انتوا اكيد قابضين بقى ولا ايه؟؟

دى صورة لرصاص حى والله العظيم

غد ننشر باقى الصور والفيديوهات ان شاء الله

سيأتى يوما وافرح في الاخوان والسلفيين والقوى السياسيه الخونه

امبارح أخر شهيد فى احداث محمد محمود لحد امتا كل يوم هنشيع جنازة واحد مننا ليه ياجماعه كدا للدرجه دى دمنا هيفضل رخيص كدا اوووى بجد الواحد مش عارف يعمل  ايه وتلاقى ناس لسه بتقول سيبوا الناس والبلد والعجله ومصر هتجوع الله يخرب بيت امكوا بجد ارحمونا لحد امتا هتفضلوا بالتخلف دا
كمان اللى غايظنى ان الاحزاب والاخوان والسلفين والدنيا كلها مش فارق معاهم حاجه اهم حاجه الوصول للكرسى مفيش كلب طلع علق عليه مش دا ياسياده المرشد اخ مسلم برده ولا ياخويا ياسلفى انت فيين لما اخوك مات ومفيش اى تعليق
طول مانتوا كدا هنفضل يموت مننا كل يوم واحد واوعوا تفتكروا ان الدور مش هيجى عليكوا للاااااااااا اكيد جاى عليكوا الدور ولو اليومين دووول بتتواطؤا  على دم الشهيد انا بكره هفرح لوحد مات منكم وربنا ما هزعل على اخوانى او سلفى او اى حيوان من القوى السياسيه اللى شغالين على القنوات 24ساعه لو شفته متصفى قدامى بالرصاص بجد سواء اى احزاب او كيانات فى البلد انتوا عااااااااااار على الثورة احنا لو ندمنا يكون ندمنا اننا خرجنا امثالكم من الجحور ربنا ينتقم منكم
والله مش قادر اكتب تانى حاجات اليمه كتيير جوايا ومش لاقى تفسير يابلدى للدرجه دى اى حد ممكن يبيع ويشترى دمنا متغيروش من ايام النظام اللى فات كله بيحاول يبيع باى ثمن!!!!!

Blog Ganzeer: Harvard University's Resource on Graffiti and Stre...

Blog Ganzeer: Harvard University's Resource on Graffiti and Stre...: Harvard University's Center For Middle Eastern Studies has apparently held a two-session webinar on Graffiti and Street-Art in the Middle E...

عايز انتخب من اجل مصر

ارخص وسائل الدعايه فى انتخاباتنا الجميله الاتجار بالدين واللعب بالجنه والنار واللحيه والخيار
ندعوا ان يوفق الله الاصلح لمصر ولخير هذه البلد ولكن بدون اتجار بالدين او لعب على الميول الدينيه للشعب او الحاله الاقتصاديه مافعله حزب المصريين الاحرار العلمانى كما يقول الاسلامين فعله ايضا الاسلامين وهذا يؤكد لنا جميعا ان الاسلامين هما نفس النسخه من العلمانيين وغيرهم من الوقاحه واستغلال احتياجات المواطن المصرى واللعب على المشاعر والوعظ الدينى الذى يستهوى الكثير من الشعب
فى النهايه اقول الافضل هو الذى يثبت لنا ذللك مع مرور الايام ولكنى لا اظن انا من يفعل كل ذللك من طرق ملتويه ليس هدفه الا الوصول لهدف معين لا نعرفه ولكننا فى يوم ما سنتأكد من  نيه الجميع ووقتها نرجو من الجميع ان يؤمنوا بشىء واحد ان الجميع يستخد مبدأالشيطان (الغايه تبرر الوسيله)

وهذا ما اثر على قائمه القائمه مستمرة لانهم شباب غلبان ولا يمللك الاموال التى تنفق على تللك الانتخابات ضاع فى المتاهه للاسف لان الناس دى عارفه طريق الشعب المصرى ربنا يستر على مصر من المستغليين

عسكر من شرطه مش فارقه كله واحد...

بعد مرور اكثر من 9شهور على مرور ثورة الشباب العظيمه التى ابهرت العالم بسلميتها
مازال الوضع كما هو انتهاكات من الشرطه واصبح الجيش يسانده يد بيد واذا خاب الظن فى الجيش الذى نادى الشعب انه الشرعيه الثوريه التى ارتضاها المصريين فقد فقد ثقه الشارع المصرى بأكمله الا من يرى ان تعذيب الجيش وسيله للامن الامن الذى لم يسترد حتى الان
وبعد ذللك جاءت القوى السياسيه  التى لا يهمها الا الكراسى والمناصب اصبحت يشغلهاكام كرسى فى البرلمان او كم منصب سيتولونه واصبحت مصر سلعه فى سوق كبير تشترى وتباع من القوى المختلفه وهناك القتوة الذى يحمى من فى السوق ويباشر اعمالهم مقابل نسبه من الربح اللذى يعم عليهم هم فقط
الى اين يامصر ؟؟ الى اين سوف تنتهى تللك الثورة التى بدأناها والتى لم تكتمل وهل الشعب مازال يريد فعلا اسقاط النظام  او ظن ان النظام فعلا سقط ارجو ان يعلم الشعب ان حقه لم يأتى الى الان ولابد من استمرار النزول للشارع حتى تحقيق المطالب التى لم تنفذ والى ان يأذن الله بمستقبل مشرق لمصر